ATB-də növbəti kadr dəyişikliyi: Günel Ələkbərova vəzifəsindən ayrıldı

Günel Ələkbərova Azərbaycan Turizm Bürosu tərkibində tutduğu Beynəlxalq bazarlar və işgüzar tədbirlər üzrə direktor müavini vəzifəsindən ayrıldığını açıqlayıb.

Turizmplus.az xəbər verir ki, o, təxminən üç illik fəaliyyəti dövründə ölkənin turizm inkişafı istiqamətində mühüm layihələrdə iştirak etdiyini, bu müddətin onun üçün həm peşəkar inkişaf, həm də dəyərli təcrübə baxımından önəmli olduğunu qeyd edib.

Günel Ələkbərova açıqlamasında birlikdə çalışdığı həmkarlarına təşəkkürünü bildirərək, yeni mərhələyə minnətdarlıq hissi ilə keçdiyini vurğulayıb.