TURİZMÇİLƏRİN NƏZƏRİNƏ: Şri-Lankaya iNFO-TUR var

Aviapartner şirkətinin dəstəyi ilə bu mövsüm turizm mütəxəssisləri üçün Şri-Lankaya infotur keçiriləcək. Səfər 4 oktyabr – 12 oktyabr 2025 tarixlərində baş tutacaq. Turun qiyməti 650 ABŞ dolları olaraq müəyyən edilib.

Turizmplus.az xəbər verir ki, qiymətə Jazeera Airways ilə aviabiletlər, 4 və 5 ulduzlu otellərdə yerləşmə, səhər və axşam yeməkləri daxil olmaqla qidalanma paketi, hava limanı transferləri, otel turları və tanışlıq səfərləri, həmçinin müxtəlif ekskursiyalar daxildir. Viza rüsumunun ayrıca ödənildiyini də qeyd etmək lazımdır.

Uçuşlar Jazeera Airways ilə həyata keçiriləcək. 4 oktyabr tarixində Bakıdan Küveytə uçuş saat 15:25-də baş tutacaq və 16:45-də eniş olacaq. Daha sonra Küveytdən Kolomboya uçuş saat 19:20-də başlayacaq və 03:30-da yerli vaxtla eniş ediləcək. Geri dönüş 12 oktyabr tarixində planlaşdırılıb. Kolombodan Küveytə uçuş saat 04:30-da, Küveytdən Bakıya isə saat 11:10-da həyata keçiriləcək.

Qeydiyyat artıq açıqdır və yerlərin sayı məhduddur. Turda iştirak etmək istəyənlər az@voyager.group ünvanına müraciət edə bilərlər.