Pilotluq aviasiya sektorunda ən yüksək gəlirli peşələrdən biridir. Təcrübə, vəzifə, təyyarə tipi və uçuş saatlarından asılı olaraq pilotların qazancı ciddi şəkildə dəyişir.
Turizmplus.az xəbər verir ki, 2026-cı il üzrə açıqlanan məlumatlara əsasən, bəzi böyük aviaşirkətlərdə pilotların illik gəliri yüz minlərlə dollara çatır.
Emirates (BƏƏ) – Captain üçün ümumi illik paket 320 min dollara qədər, First Officer üçün isə 245 min dollara qədər ola bilər.
Qatar Airways (Qətər) – təcrübəli Captain pilotların illik gəliri təxminən 150-300 min dollar aralığındadır.
Delta Air Lines (ABŞ) – təcrübəli Captain üçün saatlıq tarif 483 dollardan yuxarı ola bilər. ABŞ-ın böyük aviaşirkətlərində senior pilotların illik gəliri 400 min dolları da keçə bilir.
Ryanair (Avropa) – Direct Entry Captain üçün ilk il üzrə gəlir 165 min avroya qədər göstərilir.
Singapore Airlines (Sinqapur) – təcrübəli Captain pilotların illik gəliri təxminən 180-280 min dollar aralığında göstərilir.
Cathay Pacific (Honq Konq) – First Officer üçün 2026-cı ilin yanvarından hədəf illik maaş 964 646 Honq Konq dollarıdır. Bu, təxminən 123 min ABŞ dollarına bərabərdir.
China Southern Airlines (Çin) – bəzi pilot vəzifələri üzrə illik gəlir 200 min dollardan yuxarı ola bilir.
Korean Air (Cənubi Koreya) – təcrübəli Captain pilotlar üçün illik gəlir təxminən 160-250 min dollar aralığında göstərilir.
ANA (Yaponiya) – Captain pilotların illik gəliri təxminən 130-190 min dollar səviyyəsindədir.
Qantas (Avstraliya) – təcrübəli Captain pilotların illik qazancı təxminən 200 min ABŞ dolları və daha yüksək ola bilər.
Qeyd edək ki, bu rəqəmlər eyni metodologiya ilə hesablanmır: bəzi aviaşirkətlər baza maaşını, bəziləri isə uçuş ödənişləri və digər üstünlüklər daxil olmaqla ümumi paketi açıqlayır. Buna görə rəqəmləri birbaşa “aylıq maaş” kimi qəbul etmək düzgün deyil.