“RML Holidays” daha bir beynəlxalq yeniliyə imza atıb – MƏLUMAT

2024-cü il iyul ayından etibarən “RML Holidays” Böyük Britaniya təmayüllü daha bir nəhəng aviadaşımalar və dəmir yolları üzrə xidmətlər göstərən şirkətlə saziş imzalayıb.

Turizmplus.az xəbər verir ki, bu əməkdaşlıq nəticəsində 360-dan yuxarı aşağı qiymətli daşıyıcıları (Low cost Carriers), 42-dən çox tam xidmət daşıyıcılarını (FSC), həmçinin dəmir yolu və hotel operatorları “RML Holidays” sisteminə birləşdiriləcək.

Sistemin üstünlüyü ondan ibarətdir ki API qoşulma nəticəsində inteqrasiya olunmuş bütün təchizatçılar yer, məsafə, müddət və qiymətə əsasən dəmir yolu və hava axtarışlarının arasında müqayisə aparmağa və ağıllı axtarış nəticələrini təqdim etməyə imkan yaradır.

Bu imkanlardan istifadə etməklə “RML Holidays” müştəriləri və istifadəçiləri Dünya üzrə bütün istiqamətlərin gündəlik aviamarşrutlarına, cədvəllərinə, tariflərinə, həmçinin bütün Avropa, Amerika və eksklüziv Çin dəmiryollarına və yüzlərlə səyahət təchizatçısından toplanmış birbaşa sövdələşmələrə asanlıqla giriş əldə edə bilərlər.