Azərbaycanlılar 2026-cı ildə bu məşhur istiqamətlərə vizasız səyahət edə bilər – SİYAHI
Azərbaycan vətəndaşları dünyanın bir sıra məşhur turizm istiqamətlərinə vizasız səyahət etmək imkanına malikdirlər. Bu, həm istirahət, həm də işgüzar səfərlər planlaşdıran şəxslər üçün əlavə rahatlıq yaradır.
Turizmplus.az xəbər verir ki, hazırda Azərbaycan pasportu ilə vizasız səfər edilə bilən ən populyar ölkələr arasında Türkiyə, Gürcüstan, Birləşmiş Ərəb Əmirlikləri, Çin, Qətər, Serbiya, Malayziya, Mərakeş, Qazaxıstan, Özbəkistan, Qırğızıstan, Tacikistan, Misir (sinai only), Rusiya, Belarus, Moldova, Bosniya və Herseqovina, Kolumbiya və Ekvador yer alır.
Qeyd edək ki, vizasız giriş müddəti və şərtləri ölkədən ölkəyə fərqlənir. Bəzi dövlətlərdə 30 gün, digərlərində isə 90 günədək vizasız qalmaq mümkündür. Səyahət etməzdən əvvəl həmin ölkənin miqrasiya və giriş qaydalarını yoxlamaq tövsiyə olunur.
Mütəxəssislərin fikrincə, vizasız rejimin tətbiq olunduğu ölkələrin sayının artması Azərbaycan vətəndaşlarının xaricə səyahət imkanlarını genişləndirməklə yanaşı, turizm əlaqələrinin inkişafına da müsbət təsir göstərir.