Antalyanın Kaş bölgəsində meşə yanğınları davam edir – SON MƏLUMAT

Türkiyənin Antalya vilayətinin Kaş rayonunda meşə yanğınları başlayıb.

Turizmplus.az xəbər verir ki, Kalkanın Üzümlü məhəlləsində səhər saatlarında başlayan yanğının söndürülməsi istiqamətində işlər davam etdirilir.

Məlumata görə, yanğına həm havadan, həm də qurudan intensiv müdaxilə olunur. Əməliyyata 6 helikopter, 3 təyyarə, 14 yanğınsöndürən avtomobil, 5 su təchizatı maşını, 2 ilk müdaxilə avtomobili, ümumilikdə isə 135 texniki işçi və meşə təsərrüfatı əməkdaşı cəlb edilib.

Hazırda yanğının nəzarət altına alınması istiqamətində tədbirlər davam etdirilir. Hadisənin başvermə səbəbi araşdırılır.