40 min xarici turist İsraildən çıxa bilmir – NAZİRLİK MƏLUMAT YAYDI

İranın raket zərbələri fonunda ölkənin hava məkanı növbəti xəbərdarlığa qədər bağlandıqdan sonra təxminən 40 min turist İsraildə qapalı qalıb.

Turizmplus.az APA-ya istinadən xəbər verir ki, bu barədə İsrail Turizm Nazirliyi məlumat yayıb.

Nazirlik bildirib ki, İsraildə turistlərə rəqəmsal kanallar vasitəsilə həm İbrani, həm də İngilis dillərində məlumat xidmətləri təklif edən 24/7 virtual ofis işə salınıb.

Qeyd edilib ki, nazirlik turistlərə yerləşmə və başqa ehtiyaclarına kömək etmək məqsədilə otellər, eləcə də digər yerləşdirmə təminatçıları da daxil olmaqla turizm sənayesinin maraqlı tərəfləri ilə əlaqə saxlayır.