“InTravel Global” şirkəti “Azərbaycan üzrə ən yaxşı turizm agentiliyi” mükafatına layiq görülüb
Noyabr 4, 2024 17:19 / 266
A-
A
A+
11 ildən artıqdır fəaliyyət göstərən “InTravel Global” şirkəti qardaş Türkiyənin Antalya şəhərində “Pegas Touristik” beynəlxalq tur-operatorunun 30 illiyinə həsr edilmiş möhtəbər turizm konfransında iştirak edib.
Turizmplus.az xəbər verir ki, dünyanın dörd bir tərəfindən konfransa qatılan 1700-dən çox şirkətin iştirak etdiyi tədbirdə “InTravel Global” ölkəmizi layiqincə təmsil edib. “Azərbaycan üzrə ən yaxşı turizm agentiliyi” mükafatı şirkətin nüməyəndəsi İlqar Kərimliyə təqdim edilib.
İlqar Kərimli saytımıza açıqlamasında bu uğurun əsas səbəbkarı kimi “In Travel Global”ın zəhmətkeş kollektivini və müştəriləri olduğunu bildirib.
