Dubay və Abu-Dabidə yenidən güclü partlayışlar eşidilir; Uçuşlar TƏXİRƏ SALINIR

Bu saatlar ərzində Birləşmiş Ərəb Əmirliklərinin (BƏƏ) Dubay və Əbu-Dabi şəhərlərində yenidən güclü partlayış səsləri eşidildiyi barədə rəsmi və sakinlərin paylaşımları yayılıb.

Turizmplus.az rəsmi mənbələrə istinadən xəbər verir ki, həmin səslər, bölgədə davam edən təhlükəsizlik tədbirləri çərçivəsində hava müdafiə sistemlərinin raket və dron hədəflərini vurması nəticəsində meydana gəlir.

Bölgədəki hava limanları — o cümlədən Dubay Beynəlxalq Hava Limanı və Əbu-Dabi Beynəlxalq Hava Limanı — əməliyyatlarını yenidən müvəqqəti məhdudlaşdırıb. Bir sıra reyslər, o cümlədən Dubaydan Bakıya uçuşlar təxirə salınıb və ya ləğv edilib.

Turizmplus.az saytının əldə etdiyi məlumatlara əsasən, bəzi aviaşirkətlər uçuşları martın 9-dək təxirə salıb.