Hazırkı vəziyyət və hava məkanının bağlanması ilə əlaqədar olaraq, 2 mart 2026-cı il saat 15:00-dək (BƏƏ vaxtı ilə) həyata keçirilməsi planlaşdırılan bütün Air Arabia uçuşları sistem üzrə ləğv edilib.
Turizmplus.az xəbər verir ki, ləğv edilmiş reyslər üzrə sərnişinlərə aşağıdakı seçimlər təklif olunur:
- Ödənişsiz yenidən bronlaşdırma
- Məbləğin vauçer şəklində tam geri qaytarılması
Məlumata görə, ləğv edilmiş uçuşlarla bağlı sistemdə müvafiq bildirişlər (alertlər) yaradılacaq. Agentliklərdən və subagentlərdən rezervasiyaları mütəmadi nəzarətdə saxlamaq, həmçinin bronların “contact” bölümündə düzgün email ünvanının qeyd olunduğuna əmin olmaq xahiş olunur.
Rezervasiyalara bildiriş daxil olmadığı təqdirdə, bununla bağlı azsales@airarabia.com elektron poçt ünvanına müraciət etmək tövsiyə edilir.
Qeyd olunur ki, növbəti günlərlə bağlı vəziyyətə dair hazırda əlavə məlumat mövcud deyil. Daxil olan yazılı və şifahi sorğuların çoxluğunu nəzərə alaraq, agentliklərdən məlumatları sistem üzərindən izləmək və sərnişinlərə operativ şəkildə çatdırmaq rica olunur.
Sərnişinlərin ehtimal edilən şikayətləri, təcili olmayan sualları və digər sorğuları ilə bağlı aviaşirkətlə email vasitəsilə əlaqə saxlanılması tövsiyə edilir.