Baku Travel & Tourism fəaliyyətə başlamasının 15-ci ildönümünü qeyd edib.
Turizmplus.az xəbər verir ki, Azərbaycanın aparıcı turizm şirkətlərindən biri olan Baku Travel & Tourism ötən 15 il ərzində həm yerli, həm də beynəlxalq bazarda etibarlı tərəfdaş və keyfiyyətli xidmət nümunəsi kimi mövqeyini möhkəmləndirib.
2000-ci illərin əvvəllərində əsası qoyulan şirkət bu gün minlərlə insanın səyahət arzularını reallaşdıran, eyni zamanda Azərbaycanın turizm potensialının beynəlxalq səviyyədə tanıdılmasına töhfə verən nüfuzlu qurumlardan birinə çevrilib. Şirkətin uğurlarının əsasını isə peşəkar və müştəriyönümlü komanda təşkil edir.
Şirkətin rəhbəri Əziz Şiriyev yubiley münasibətilə çıxışında bildirib ki, fəaliyyətlərinin əsas məqsədi hər zaman müştərilər üçün unudulmaz səyahət təcrübəsi yaratmaq olub:
“Biz bu illər ərzində yalnız xidmət göstərməklə kifayətlənməmişik, insanların xatirələrini formalaşdırmışıq. Bu uğurda əməyi olan hər kəsə təşəkkür edirəm.”
Qeyd olunub ki, şirkət illər ərzində yerli və beynəlxalq tərəfdaşlarla geniş əməkdaşlıq əlaqələri quraraq turizm infrastrukturunun inkişafına və ölkəyə turist axınının artmasına mühüm töhfə verib.
Yubiley tədbiri çərçivəsində tərəfdaşlar və korporativ müştərilər bir araya gələrək gələcək layihələr və əməkdaşlıq perspektivlərini müzakirə ediblər.
Baku Travel & Tourism gələcək dövrdə də innovativ yanaşmalar və rəqəmsal həllər tətbiq etməklə xidmət keyfiyyətini daha da artırmağı və turizm sektorunda mövqeyini gücləndirməyi hədəfləyir.