Turizm şirkətlərində WhatsApp xaosunu necə bitirməli? – “Bileti bir də göndərə bilərsiniz?” və ya “Nə qədər borcum qaldı?”
Turizm şirkətində çalışırsınızsa, yəqin ki, bu vəziyyət sizə də çox tanışdır: Uzun danışıqlardan sonra satış tamamlanır. Aviabilet göndərilir, otel təsdiqlənir və transfer təşkil olunur. Dərindən nəfəs alıb “hər şey bitdi” düşündüyünüz an turistdən mesaj gəlir:
“Bileti bir də göndərə bilərsiniz?” Ardınca: “Otel vauçeri haradadır?” və ya ən çox vaxt alan o məşhur sual: “Mənim sizə nə qədər borcum qaldı?”
Bir turist üçün bu kiçik bir sual kimi görünsə də, gün ərzində onlarla müştəri ilə işləyən agentliklər üçün köhnə yazışmaları axtarmaq, fakturaları yoxlamaq və sənədləri yenidən göndərmək artıq dözülməz bir vaxt itkisidir.
Bəs niyə bu problemi yaşayırıq? Çünki satışdan sonra turistin bütün məlumatları pərakəndə halda qalır. Bir məlumat WhatsApp-da, digəri e-maildə, başqa biri isə əməkdaşın sistemindədir. Halbuki, turist hər xırda detal üçün agentliyə yazmamalı, məlumat onun üçün hər an əlçatan olmalıdır.
Məhz bu xaosu kökündən həll etmək və turizm şirkətlərinin işini sistemləşdirmək üçün bazarda inqilabi bir yenilik – Travacco Turist Portalı istifadəyə verilib. Artıq turistlərinizə özünüz portal hesabı göndərə bilirsiniz, bütün əməliyyatlarınız avtomatik həmin Turistinizin mobil telefonunda olur.
Sənədlər və rəqəmlər bir daha yazışmalarda itməyəcək!
Travacco ilə artıq turistlər məlumat axtarmaq üçün dəfələrlə agentliyə yazmaq məcburiyyətində deyillər. Bütün proses tamamilə rəqəmsallaşır:
- Vahid Rəqəmsal Mühit: Aviabilet, otel rezervasiyası, transfer və sənədlər turistin xüsusi portalında toplanır. Yeni sənəd əlavə olunduqda turist birbaşa xəbərdar olur.
- Ödənişlərin və Borcun Tam Şəffaflığı: Turist artıq “Nə qədər borcum qaldı?” sualını vermir. Portalına daxil olaraq indiyə kimi etdiyi ödənişləri və qalan borcunu qəpiyinə qədər, 100% şəffaf şəkildə öz ekranında görür.
- Bir Kliklə Kampaniya və Push Bildirişlər: Şirkətlər yeni kampaniyaları, xüsusi endirimləri və ya turları bir kliklə bütün müştərilərinə göndərə bilir. Bu məlumatlar hər kəsin telefonuna birbaşa “Push” bildiriş olaraq çıxır. Əsl pulsuz marketinq aləti!
- Süni İntellekt (AI) ilə Viza Dəstəyi: Turist viza tələbləri barədə məlumatı AI dəstəyi ilə birbaşa portaldan alır, hər xırda detal üçün meneceri narahat etmir.
Agentliklər və Rəhbərlər üçün nə dəyişir?
Söhbət yalnız turistin rahatlığından getmir. Bu sistem agentliyin iş yükünü kəskin şəkildə azaldır və nəzarəti artırır:
- Təkrarlanan İşlərə Son: Əməkdaş eyni sənədi üçüncü dəfə göndərmir, ödənişlə bağlı eyni sualı təkrar cavablandırmır və yazışmalarda saatlarla sənəd axtarmır.
- Müştəri Rəyləri Birbaşa Rəhbərin Ekranında: Tətbiq daxilindən turist tərəfindən yazılan həm müsbət, həm də mənfi rəylər (feedback) birbaşa şirkət rəhbərinin ekranına düşür. Bu, rəhbərliyə xidmət keyfiyyətini və işçilərin performansını birbaşa ölçməyə imkan verir.
- Tam Şəffaflıq: Turistlə ünsiyyət sadəcə bir menecerin inhisarında qalmır, rəhbərlik bütün prosesi vahid sistemdən görə bilir.
Ən əsası: Turistlərinizdən Passiv Gəlir Qazanın!
Travacco sadəcə işinizi asanlaşdırmır, həm də sizə tamamilə yeni bir qazanc qapısı açır. Belə ki, turistlər ayda cəmi 4 AZN kimi çox kiçik bir ödəniş edərək portalın Premium versiyasına keçid edə bilərlər.
Premium versiya turistə müxtəlif unikal Süni İntellekt (AI) alətləri təqdim edir: AI ilə səyahət xərclərinin analizi, kafelərdəki çəklərin skan edilib oxunması, fərdi sənədlərin yüklənib AI ilə idarə olunması, valyuta çeviriciləri, ağıllı marşrut və ekskursiya planlayıcısı. Üstəlik, turist hər səyahətində xüsusi “coin”lər qazanaraq bu coinləri endirimlərə və hədiyyələrə çevirə bilir.
Bəs bunun agentliyə faydası nədir? Turistiniz bu Premium versiyanı istifadə etdiyi müddətcə, onun etdiyi ödənişdən birbaşa sizin agentliyinizə avtomatik komissiya yazılır. Yəni, turist öz səyahətini rəqəmsal və əyləncəli şəkildə idarə edir, agentlik isə heç bir əlavə iş görmədən Travacco-dan davamlı passiv gəlir əldə edir!
Satışdan sonrakı proses də satışın özü qədər sistemli olmalıdır. Çünki turistlə münasibət satış başa çatanda bitmir; səyahət bitənə qədər davam edir. Bəzən bir turizm şirkətinin iş yükünü azaltmaq və qazancını artırmaq üçün daha çox əməkdaşa deyil, sadəcə daha düzgün qurulmuş rəqəmsal prosesə ehtiyacı olur.
Travacco Müştəri Portalı isə məhz bu prosesi sizin üçün bir klik qədər asanlaşdırır.
- Daha ətraflı məlumat üçün: https://travacco.com/
- Video təlimlərimiz: https://www.youtube.com/@Travacco
- Telefon: 051 466 68 56
- Email: sales@travacco.com
Travacco. – Turizm sektoru üçün gələcəyin həlledici platforması!