Ryanair adına Malta Air tərəfindən istismar edilən 9H-QEU qeydiyyat nişanlı Boeing 737-800 tipli təyyarə Saloniki–Memmingen reysi zamanı kabin pəncərəsinin qırılması səbəbindən Salonikiyə geri qayıdıb.
Turizmplus.az xəbər verir ki, FR1879 saylı reys təxminən 15 min fut hündürlüyə qalxarkən pəncərə qırılıb. Pəncərənin yanında əyləşən sərnişinin başı və bədəninin yuxarı hissəsi qısa müddət ərzində yaranan boşluqdan təyyarədən kənara çıxıb. Digər sərnişinlərin müdaxiləsi nəticəsində o, yenidən kabinəyə çəkilib. Hadisədən ən çox zərər görən də həmin sərnişin olub.
Kabinədə təzyiqin azalması səbəbindən oksigen maskaları avtomatik açılıb. Uçuş heyəti təyyarəni 10 min futdan aşağı endirərək geri qayıtmaq qərarı verib.
Təyyarə havaya qalxdıqdan təxminən 75 dəqiqə sonra Saloniki Hava Limanına təhlükəsiz eniş edib. Yaralanan sərnişin xəstəxanaya yerləşdirilib. Hadisənin səbəbləri araşdırılır.