Mövcud vəziyyət və bir neçə hava məkanının bağlanması ilə əlaqədar olaraq, Air Arabia aviaşirkəti mühüm qərar qəbul edib.
Turizmplus.az xəbər verir ki, BƏƏ-yə və BƏƏ-dən həyata keçirilən Air Arabia uçuşları 04 mart 2026-cı il saat 15:00-dək (BƏƏ vaxtı ilə) müvəqqəti olaraq dayandırılıb. Bundan əlavə, Livan, İordaniya, Suriya və İraqa olan uçuşlar 05 mart 2026-cı il tarixinədək icra edilməyəcək.
Bakıya və Bakıdan həyata keçirilməsi planlaşdırılan 04 mart 2026-cı il tarixli aşağıdakı reyslərin statusu ləğv edilib:
-
G9300 / G9301
-
3L730 / 3L731
Sərnişinlər üçün dəyişiklik və ləğv şərtləri
Şirkət tərəfindən sərnişinlərə dəstək məqsədilə aşağıdakı imkanlar yaradılıb:
Yenidən bronlaşdırma:
Ləğv edilmiş uçuşlarda bronu olan sərnişinlər ilkin uçuş tarixindən ±15 gün ərzində bir dəfə ödənişsiz tarix dəyişikliyi edə bilərlər.
Ləğv etmə seçimləri:
Ləğv edilmiş uçuşların sərnişinləri aşağıdakı variantlardan yararlana bilərlər:
-
Tam məbləğdə kredit vauçeri, və ya
-
Ödənişin hansı üsulla həyata keçirilibsə, eyni üsulla tam məbləğdə geri qaytarılması (nağd geri ödəniş).
Qeyd
Növbəti 72 saat ərzində (06 mart 2026-cı il daxil olmaqla) uçuşu planlaşdırılan, lakin reysi ləğv edilməmiş sərnişinlər də ±15 gün çərçivəsində bir dəfə ödənişsiz dəyişiklik və ya cəriməsiz ləğv hüququndan istifadə edə bilərlər. Nağd geri qaytarılma üçün müvafiq link vasitəsilə müraciət olunmalıdır.
Agentlər UN statusu düşmüş rezervasiyalar üzrə dəyişiklikləri birbaşa AccellAero sistemi vasitəsilə həyata keçirə bilərlər. Nağd və ya vauçer qaytarılması üçün isə agentlər üçün nəzərdə tutulmuş link doldurulmalıdır.
Onlayn və mobil tətbiq vasitəsilə alınmış biletlər üzrə dəyişikliklərin aviaşirkətin rəsmi saytında “Manage Booking” bölməsi vasitəsilə aparılması tövsiyə olunur.
Rezervasiyalara bildiriş daxil olmadığı halda, sərnişinlər azsales@airarabia.com elektron ünvanına müraciət edə bilərlər.