“Pegas Touristik” tur-operatorunun 30 illik yubileyi qeyd edilib – REPORTAJ
“Pegas Touristik” şirkətinin 30 illik yubileyi münasibəti ilə 26.10.24 – 02.11.24 tarixlərində Swandor Hotel Resort Kemer hotelində təşkil olunan tədbirdə Pegas Touristik Azərbaycan və yerli şirkətlər (In Travel, Baku Tour, Comfort Holiday Travel, Jeluxe Travel, Kainat Travel, Baku Life Travel, Saphire Travel, Millenium Turizm, Access Travel) iştirak edib.
Dünyanın müxtəlif olkelerinden 1300 nəfər şirkət təmsilçilərinin iştirakı ilə keçirilən konferansda Pegas Touristik Azərbaycan şirkətinin Marketinq departamentinin rəhbəri Səbinə Tahirli, Azərbaycanın turizm potensialını əks etdirən geniş video təqdimatını nümayiş etdirib.
Konfranslarla yanaşı təşkil edilən “Что? Где? Когда?” yarışmasında Azərbaycan turizmçiləri 60 komanda arasında 1 xal fərqlə 2-ci yeri qazanıb.
11 ildən artıq turizm fəaliyyəti göstərən “İnTravel” şirkəti “Azərbaycan üzrə ən yaxşı turizm agentliyi” elan olunub və mükafat şirkətin nümayəndəsi İlqar Kərimliyə təqdim edilib.
Qala gecəsində şirkət rəhbərliyinə 30 illik yubiley münasibətilə Azərbaycan turizmçiləri adından hədiyyə təqdim edilib. Pegas Touristik Azərbaycan şirkətinin rəhbəri Nəzər Eminovun Pegas Touristik muzeyinin yaradılması təklifi iştirakçılar tərəfindən yüksək qiymətləndirilib və Azərbaycan turizmçilərinin hədiyyəsi muzeyin ilk ərməğanı olub.
