YENİLƏNİR: Brüsseldə Blinken-von der Leyen-Paşinyan görüşü başladı
19:49
ABŞ dövlət katibinin Avropa və Avrasiya məsələləri üzrə köməkçisi Ceyms O’Brayen Brüsseldə keçirilən üçtərəfli görüşü yekunlarını açıqlayıb:
O’Brayen qeyd edib ki, ABŞ dövlət katibi və Avropa Komissiyasının sədri Ermənistanın müstəqilliyinə, suverenliyinə və ərazi bütövlüyünə qətiyyətli dəstəyini vurğulayıblar. Onlar həmçinin 2018-ci il inqilabından sonra ölkədə həyata keçirilən demokratik islahatlara heyran olduqlarını və erməni xalqının demokratik istəklərini əks etdirən qlobal iqtisadiyyatın və siyasi sistemin yaradılmasına dəstək verdiklərini bildiriblər.
“Görüşün məqsədi Ermənistandakı mövcud islahatların müzakirəsi və Azərbaycanla sülh prosesinin davam etdirilməsinə çağırış idi. Tərəflər qeyd ediblər ki, Ermənistanla Azərbaycan arasında sülh sazişi regionun uzunmüddətli perspektivdə təhlükəsizliyinə və çiçəklənməsinə, o cümlədən Aralıq dənizindən Orta Asiyaya yeni ticarət yollarının açılmasına kömək edə bilər.
ABŞ dövlət katibi vurğulayıb ki, Ermənistandakı siyasi islahatlar xalqın iradəsinə cavab verə bilən və dünyada müxtəlifliyə və tərəfdaşlığa töhfə verə bilən inklüziv hökumət üçün şərait yaradır.
14:42
Avropa Komissiyası Ermənistana 4 il ərzində 270 milyon avro, ABŞ isə Ermənistana 65 milyon dollardan çox yardım ayırmaq niyyətindədir.
14:18
Brüsseldə Avropa Komissiyasının Prezidenti Ursula von der Leyen, ABŞ dövlət Antoni Blinken və Ermənistan Baş naziri Nikol Paşinyan arasında görüş başlayıb.
“Mediaplus” xəbər verir ki, görüşə Avropa İttifaqının Xarici siyasət və Təhlükəsizlik məsələləri üzrə ali nümayəndəsi Cozep Borrell də qatılıb.