Biləsuvarda, rayon icra hakimiyyətinin təşkilatçılığı ilə Hinduşka Festivalı təşkil ediləcək.
Turizmplus.az xəbər verir ki, 30 noyabr saat 11:00-da sizləri Biləsuvarın mərkəzi Parkında Hinduşka Festivalı 2024 tədbirinə dəvət edirik. Tədbirdə kənd təsərrüfatı şirkətlərinin çıxışları, yerli, paytaxt brendləri və regionun ən yaxşı restoranları ilə tanışlıq, yerli yeməklərin dequstasiyası, əyləncə proqramları, məşhur aşpazların ustad dərsləri, vokal müsabiqəsi, “Mən Hinduşka çəkirəm” adlı ən yaxşı rəsm müsabiqəsi, nərd çempionatı, Cənub bölgəsinin folkloru ilə tanışlıq, müxtəlif idman yarışları və “Yummy Turkey” adlı kulinariya müsabiqəsi keçiriləcəkdir. Ən yaxşı həvəskar aşpazlar öz bacarıqlarını nümayiş etdirəcək, məşhur münsiflər heyəti isə ən yaxşıları seçəcək.
Qeyd edək ki, tədbir 19:00-da başa çatır.