Bakıda təntənəli “World Tourism Day” tədbiri keçirilib – FOTOLAR

Kazunion Turoperator by Rustar və Rustar Online Tourism şirkətlərinin təşkilatçılığı ilə ənənəvi “World Tourism Day Baku” tədbiri keçirilib.

Turizmplus.az xəbər verir ki, Gülüstan sarayında keçirilən tədbirdə  Dubaydan, Qətərdən, Maldiv və Seyşel adalarından, eyni zamanda Türkiyədən iştirak edən 27 müxtəlif dünyaca məşhur hotellərin nümayəndələri yerli bazarda fəaliyyət göstərən turizm agentliklərinin meneceriləri ilə görüşüb.

Rəsmi “workshop” hissəsindən sonra tədbir qala şam yeməyi, şou proqramlar, müsabiqəli oyunlarla davam edib. Gecənin xüsusi qonağı Miri Yusif və başqa məşhurlar qonaqların zövqünü oxşayıb.

Qeyd edək ki, tədbirdə 200-dən çox yerli turizm şirkətlərinin nümayəndələri iştirak edib.