Bakıda “Resorts World One” kruiz gəmisinin təqdimatı keçirilib – FOTOLAR
“Baku Marriott Hotel Boulevard” mehmanxanasında, satış təmsilçiliyi “Flame Tours and Holidays” şirkətinə məxsus olan dünyanın ən yaxşı üzən kurort (kruiz) gəmilərindən biri “Resorts World One” kruiz gəmisinin təqdimatı keçirilib.
Turizmplus.az xəbər verir ki, 1 noyabr 2024-cü il tarixdən etibarən Dubay limanından həftədə 3 fərqli proqramla hərəkət edəcək “Resorts World One” kruiz gəmisi, 8 ölkədə, 46 qonaqlama təsisi, bir çox kruiz gəmisi, 30 mindən çox işçi heyəti olan Resorts World Şirkətlər qrupuna məxsusdur. Tədbirdə 100-dən çox yerli səyahət agentliyi ilə yanaşı, “Resorts World Cruises” şirkətinin Baş İcraçı Direktoru Cənab Colin Au və birinci Vitse-Prezidenti Cənab Naresh Rawal da iştirak edib.
42 Suit kadeqoriyalı otaq, 326 balkonlu və okean mənzərəli otaq, 560 pəncərəli və daxili kabini olan Resorts World One kruiz gəmisi, Azərbaycandan Dubaya səyahət edəcək turistlərə, sertifikatlı halal qida, musiqili əyləncələr, aquapark, maraqlı konsert proqramları, içkilər və qida seçimləri ilə zəngin, çoxşaxəli beynəlxalq təcrübələrlə kruiz gəzintisi təklif edirik. Bu kruiz markası, təhlükəsizlik və sağlamlıq tədbirlərində ən yüksək standartları təmin edən, ən həyəcanverici kruiz xətti olmağı hədəfləyir və Azərbaycandan səyahət edəcək ziyarətçilərə xüsusi təkliflər, unikal təcrübə və faydalı imkanlar vəd edir.
