“SAVTOUR” Turizm Şirkəti 10 illik yubileyini və yeni ofisinin açılışını qeyd edib – FOTOLAR

Bakıda fəaliyyət göstərən SAVTOUR turizm şirkəti üçün əlamətdar günlərdən biri qeyd olunub. Şirkət həm yeni ofisinin açılışını, həm də fəaliyyətinin 10 illik yubileyini xüsusi tədbirlə qeyd edib.

Turizmplus.az xəbər verir ki, tədbirdə turizm sektorunun nümayəndələri, tur operatorlar, tərəfdaş şirkətlər və Azərbaycan Turizm Agentlikləri Assosiasiyasının (ATAA) üzvləri qonaq qismində iştirak ediblər.

Açılış mərasimi şirkətin təsisçisi Asif Əsgərov və direktoru Vüsal Əsgərovun çıxışı ilə başlayıb. Çıxışlarda şirkətin keçdiyi inkişaf yolu, turizm sahəsində əldə etdiyi nəticələr və gələcək planları barədə məlumat verilib.

Rəsmi hissədən sonra tədbir musiqili proqram və qonaqların iştirakı ilə davam edib.

Qeyd edək ki, SAVTOUR turizm şirkəti 2016-cı ilin mart ayında Azərbaycanda fəaliyyətə başlayıb. Şirkət ilk illərdə əsasən outgoing turizm – xaricə tur paketlərinin təşkili və digər turizm xidmətləri üzrə fəaliyyət göstərib.

2019-cu ildən etibarən isə şirkət incoming turizm istiqamətində fəaliyyətini genişləndirərək xarici turistlərin Azərbaycana cəlb olunmasına başlayıb. Hazırda şirkət Özbəkistandan Azərbaycana turist axınının təşkilində ön sıralarda yer alan turizm şirkətlərindən biri hesab olunur. Eyni zamanda Qazaxıstandan turistlərin cəlb olunması istiqamətində də aktiv fəaliyyət göstərir.

2025-ci ildən etibarən SAVTOUR fəaliyyətini daha da genişləndirərək ölkədaxili transfer xidmətləri üzrə ayrıca departament yaradıb.

Şirkət gələcəkdə də turizm sahəsində yeni layihələr həyata keçirməyi və xidmət keyfiyyətini artıraraq fəaliyyətini daha da genişləndirməyi hədəfləyir.