“PASHA Hospitality komandasının və hotellərinin son dövrdə əldə etdiyi möhtəşəm uğurlar münasibətilə səmimi təbriklərimi və dərin təşəkkürümü bildirirəm!”
Turizmplus.az xəbər verir ki, bu sözləri sosial şəbəkə hesabında “PASHA Hospitality” şirkətinin CEO-su Matt Balcik yazıb.
O, bildirib ki, ən son mükafatdan başlayaraq, One&Only Portonovi Forbes Travel Guide 2026 Beş Ulduz Mükafatına layiq görülərək, Adriatik Rivierasında öz regionunda yeganə Forbes Beş Ulduzlu kurort kimi tanınıb.
“Bu nailiyyət komandamızın təqdim etdiyi müstəsna xidmət və unudulmaz təcrübələrin bariz göstəricisidir. Bununla yanaşı, Portonovi 2025-ci ilin “Ən Yaxşı Beynəlxalq Marina”sı seçilərək dünya səviyyəli infrastruktur və qonaqpərvərliyini bir daha təsdiqləyib.
Qeyd etmək vacibdir ki, Four Seasons Hotel Baku 2025-ci ildə Forbes Travel Guide Beş Ulduz Mükafatını qazanaraq dünyanın aparıcı lüks hotellərindən biri kimi fərqlənib və ötən il Azərbaycanda bu mükafata layiq görülən yeganə obyekt olub.
Bu uğurlara əlavə olaraq, həm The Ritz-Carlton Baku, həm də JW Marriott Absheron Baku nüfuzlu Forbes Travel Guide Dörd Ulduz Mükafatına layiq görülüb.
Regionlar üzrə yüksək reytinqlərimiz də eyni dərəcədə təsirlidir. Bir çox hotellərimiz öz bazarlarında Top 10 sırasına daxil olub:
-
Courtyard Baku EMEA regionunda 95 hotel arasında 2-ci yer
-
JW Marriott Baku 21 hotel arasında 5-ci yer
-
Ritz-Carlton Baku 27 hotel arasında 1-ci yer
-
Sheraton Baku 81 hotel arasında 7-ci yer
-
One&Only Montenegro 14 hotel arasında 6-cı yer
Bəli, biz müxtəlif istiqamətlərdə və qonaqpərvərlik seqmentlərində fəaliyyət göstərən geniş bir qrupuq. Lakin “PASHA Hospitality Group” çərçivəsində bizi bir məqsəd və bir baxış birləşdirir — hər zaman mükəmməlliyə can atmaq və qonaqpərvərlikdə ən yüksək səviyyəni təqdim etmək.
Qarşıda bizi daha böyük uğurlar gözləyir — ən yaxşısı hələ qabaqdadır!”, – deyə Matt Balcik qeyd edib.