Rusiya Tur Operatorları Assosiasiyası (ATOR) rusların qış tətili üçün ən çox üstünlük verdiyi ölkələri açıqlayıb.
Turizmplus.az xəbər verir ki, Rusiya Tur Operatorları Assosiasiyası (ATOR) ölkədəki tur operatorlarının tur satışları və rezervasiya məlumatlarına istinadən verdiyi açıqlamada, qarşıdan gələn qış mövsümü üçün ən populyar ölkələr arasında Türkiyə və Taylandın lider olduqlarını bildirib.
Mütəxəssislər Tayland, Türkiyə, Misir, Birləşmiş Ərəb Əmirlikləri (BƏƏ), Şri Lanka və Kubanın səyahətçilərin qış tətili üçün pul ödədikləri altı beynəlxalq istiqamət arasında olduğunu bildiriblər. Aviaşirkətlər də qış mövsümü uçuş cədvəllərini bu populyar ölkələrə uyğun planlaşdırırlar.
Rusiyalı turistlərin müntəzəm reyslərlə, o cümlədən transferlərlə uçduqları ölkələr arasında populyar istiqamətlər arasında İndoneziya, Vyetnam, Maldiv adaları, Tanzaniya, Seyşel adaları və Qətər də var.
