Rus turistlər yenidən MDB ölkələrinə səfərlər etməyə üstünlük verməyə başlayır.
Turizmplus.az “Noviye İzvestiya” portalına istinadən verdiyi xəbərə görə, sərhədlərin bağlı olması səbəbindən rusiyalı turistlər uzaq yerlərə deyil, qonşu ölkələrə və daxili turizmə üz tutub.
Tur operatoru Alean tərəfindən açıqlanan məlumatlar bu il daxili turizm üçün tur satışlarının 7 faiz artdığını göstərir. Satışların təxminən yarısı Rusiyanın məşhur dənizkənarı kurortlarının yerləşdiyi Krasnodara düşür.
Qeyd edilir ki, yerli istiqamətlərlə yanaşı, Abxaziya, Azərbaycan, Özbəkistan, Ermənistan, Qazaxıstan, Qırğızıstan və Gürcüstan kimi qonşu ölkələrdən də marağın əhəmiyyətli dərəcədə artdığını göstərir. Azərbaycana səfərlərdə artım 31 faiz, Qırğızıstanda isə 25 faizdir.
