«TUI Group» Yunanıstanın Rodos hava limanına uçuşları iyulun 25-dək dayandırdığını açıqlayıb.
Turizmplus.az xəbər verir ki, tur-operator meşə yanğınları səbəbilə 5-gündən çoxdur ki, adaya uçuşları və tur satışını dayandırıb.
Bundan əlavə İngiltərəyə məxsus «Jet2» aviaşirkəti də təhlükəsizlik riski səbəbiylə Rodos uçuşlarını ləğv edib.
Qeyd edək ki, Rodos adasında yanğınlar səbəbilə baza stansiyalarına zərər dəyib və telefon setləri çalışmır. Adada fövqəladə vəziyyət elan edilib.
Hava nəqliyyatının riskli olduğu adadan təxliyələr dəniz yolu ilə davam edir.
