Viza rüsumlarının bahalaşması ABŞ turizminə mənfi təsir göstərəcək
ABŞ hökuməti beynəlxalq səyahətçilər üçün yeni “Visa Integrity Fee” adlı rüsum tətbiq etməyi nəzərdə tutur. Təklifə əsasən, ABŞ-a müraciət edən bəzi kateqoriyalı xarici vətəndaşlardan əlavə 250 ABŞ dolları ödəniş alınacaq.
Turizmplus.az xəbər verir ki, yeni rüsum əsasən 42 ölkəni əhatə edən Viza-Mübadilə Proqramından kənar dövlətlərin vətəndaşlarına şamil olunacaq və 2025-ci il 1 oktyabr tarixindən qüvvəyə minə bilər.
Turizm və idman təşkilatları bu addımın gələcəkdə ABŞ-a səyahət axınını zəiflədə biləcəyini, xüsusən də FIFA Dünya Kuboku və Olimpiya Oyunları kimi iri tədbirlər zamanı turistlərin sayına təsir göstərə biləcəyini bildirirlər.
Mütəxəssislər hesab edirlər ki, rüsumun tətbiqi aviabilet və otel qiymətlərinin artması ilə yanaşı, beynəlxalq turizm bazarında ABŞ-ın rəqabət qabiliyyətinə də mənfi təsir göstərə bilər.