Venesiya rəhbərliyi turistlərin sayını azaltmaq üçün vergiləri artırır

İtaliyanın öndə gedən turizm məkanlarından biri olan Venesiyanın səlahiyyətliləri gələn il şəhərə daxil olan gündəlik turistlər üçün verginin artırılacağını açıqlayıb.

Turizmplus.az xəbər verir ki, Venesiyaya turist olaraq səfər edənlər 10 Avroya qədər əlavə ödəniş etməli olacaq.

Venesiya meri Luici Brugnaro verginin şəhərə və onun sakinlərinə həddindən artıq turizmlə mübarizədə kömək etmək və izdihamlı bayram və həftə sonları zamanı böyük ziyarətçi axınının qarşısını almaq məqsədi daşıdığını vurğulayıb.