Bu il səyahət edən vətəndaşlarımız arasında turizm şirkətlərinin təşkil etdiyi qrup turlarına maraq artıb. Bu turlar individual turlardan daha sərfəli və əyləncəli hesab edilir.
Turizmplus.az mövsümdə qrup turları ilə bağlı “Jeluxe Travel” şirkətinin rəhbəri Vüsal Nəsirovun fikirlərini öyrənib.
Bu yay mövsümündə əsas fokuslandığınız istiqamətlər haradır?
Bu yay əsas fokuslandığımız istiqamətlər arasında Avropa ölkələri xüsusi yer tutur. Hər ay Avropanın müxtəlif ölkələrinə təşkil etdiyimiz turlarda qrup rəhbəri kimi özüm də iştirak edirəm. Macarıstan, Avstriya, İspaniya, İtaliya, Fransa, Almaniya kimi məşhur turistik məkanlar səfər proqramımızdadır. Avropadan başqa, Asiya və Amerika qitəsinə də maraqlı turlar təklif edirik.
Qrup turları həyata keçirirsinizmi? Fərqli cəhətləri hansılardır?
Qrup turlarımız geniş çeşiddədir və müştərilərin maraq dairəsinə uyğun müxtəlif mövzularda hazırlanır. Tarixi, mədəni və əyləncə dolu turlarımız fərqli kateqoriyalarda olan müştərilərin zövqünü oxşayır. Qrup turlarımızın əsas üstünlüyü peşəkar qrup rəhbərləri tərəfindən idarə olunması və hər bir detalın diqqətlə planlaşdırılmasıdır.
Nəzərinizə çatdırım ki, avqust ayında Budapeşt-Milan-Como-Venesia-Roma- Vatikan, eyni zamanda Budapeşt-Vyana-Roma-Vatikan, oktyabr ayında Macarıstan-Danimarka-İsveç, dekabrda isə Macarıstan-Çexiya-Almaniya turlarımız baş tutacaq.
Həmkarlarımıza satışlar zamanı komissiya veririk ki, bu da turizm agentləri üçün əlavə gəlir mənbəyi yaradır.
Şirkətiniz tərəfindən başqa hansı xidmətlər müştərilərə təklif edilir?
Şirkətimiz turların təşkili ilə yanaşı, müxtəlif xidmətlər də təklif edir. Bunlar arasında vizaların alınması, hotel rezervasiyaları, hava limanı transferləri, xüsusi tədbirlərin təşkili və daha çoxu yer alır. Müştərilərimizə hər zaman yüksək səviyyədə xidmət göstərməyi və onların rahatlığı üçün bütün detalların mükəmməl şəkildə planlaşdırılmasını təmin edirik.
Turizm sektorunun ən çox oxunan xəbər saytında reklamınız olsun !
