Göyçayda noyabr ayında iki möhtəşəm tədbir keçiriləcək. 8 noyabr tarixində Şanlı Zəfərin beşinci ildönümünə həsr edilmiş möhtəşəm konsert proqramı təşkil olunacaq. Tədbirdə vətənpərvərlik ruhunda musiqilər, səhnə çıxışları və müxtəlif mədəni proqramlar nümayiş etdiriləcək.
Turizmplus.az xəbər verir ki, ardınca, 9 noyabr tarixində ənənəvi Nar Festivalı baş tutacaq. Artıq illərdir bölgənin simvoluna çevrilən bu festival çərçivəsində yerli fermerlərin yetişdirdiyi nar məhsulları, milli mətbəx nümunələri və xalq sənətkarlığının təqdimatı olacaq. Festivalda həmçinin müxtəlif konsert proqramları, sərgilər və rəngarəng yarmarkalar keçiriləcək.
Göyçayda keçiriləcək bu tədbirlər həm bölgə sakinləri, həm də ölkənin müxtəlif bölgələrindən gələn ziyarətçilər üçün əsl bayram ab-havası yaradacaq.