Google səyahət axtarışlarında dəyişiklik edir: Hotellərin birbaşa rezervasiyalarına təsir göstərə bilər

Google Avropa İttifaqının Rəqəmsal Bazarlar Aktı (DMA) çərçivəsində otel, uçuş və digər səyahət xidmətləri üzrə axtarış nəticələrində dəyişikliklərə hazırlaşır.

Turizmplus.az xəbər verir ki, yeni sistemdə Booking.com və Expedia kimi onlayn turizm agentliklərinə (OTA) yönləndirən nəticələrin görünürlüğünün artırılması, otel və aviaşirkət nəticələrində isə real vaxt qiymət və müqayisə məlumatlarının bəzi hissələrinin azaldılması nəzərdə tutulur.

Google daha əvvəl DMA çərçivəsində etdiyi dəyişikliklərdən sonra Avropadakı bizneslərə birbaşa və ödənişsiz rezervasiya trafikinin 30 faiz azaldığını bildirib.

Dəyişikliklər xüsusilə müstəqil otellərin birbaşa rezervasiya imkanlarına və OTA-lardan asılılığına təsir göstərə bilər.