USD 1.7
31 °C

“Bakı Beynəlxalq Sağlamlıq Turizmi Sərgisi” keçiriləcək

Aprel 5, 2024 12:11 / 539
“Bakı Beynəlxalq Sağlamlıq Turizmi Sərgisi” keçiriləcək
A-
A
A+

Türkiyənin qabaqcıl 50 klinikası və məşhur həkimləri Bakıda toplanacaq

“Mediaplus” xəbər verir ki, aprelin 26-27-də ölkəmizdə “Bakı Beynəlxalq Sağlamlıq Turizmi Sərgisi, Bakı Sağlamlıq Sərgisi” keçiriləcək. Türkiyə Palatalar və Birjalar Birliyinin, DEİK Səhiyyə İş Şurasının və Xidmət İxracatçıları Assosiasiyasının dəstəyi, Azərbaycan Sahibkarlar Konfederasiyasının tərəfdaşlığı ilə ALZ International tərəfindən təşkil olunan sərgidə qardaş ölkənin qabaqcıl xəstəxanaları, klinikaları, termal müəssisələri və həkimləri iştirak edəcəklər.

Sərgiyə gələn qonaqlar müxtəlif sahələrdən mütəxəssis həkimlərlə görüşəcək, müalicə ehtiyacları haqqında fikir əldə etmək, estetik əməliyyatlar haqqında məlumat almaq, saç əkimi mütəxəssisləri ilə görüşə biləcəklər. Həmçinin diş müalicəsi və gülüş estetikasında ən son trendləri, dünya səviyyəli ginekoloqlarla görüşə, SPA, reabilitasiya mərkəzlərini kəşf edə biləcəklər.

Eyni zamanda Türkiyədə çox böyük inkişaf yolu keçmiş və yeniliklərin tətbiqi üzrə məşhur olan onkologiya sahəsində ixtisaslaşmış səhiyyə müəssisələri ilə tanış olmaq imkanı qazanacaqlar.

Qeyd edək ki, Baku Hilton hotelində keçiriləcək sərgiyə 26 aprel cümə və 27 aprel şənbə günləri saat 11:00-dan 18:00-dək giriş ödənişsizdir.

Oxşar xəbərlər