ATAA üzvləri və AZAL nümayəndələri arasında görüş keçirilib – FOTOLAR

Azərbaycan Turizm Agentlikləri Assosiasiyasının bir sıra üzvləri üçün Azərbaycan Hava Yolları tərəfindən Qarabağ istiqamətinə Füzuli Hava Limanı üzərindən səfərlərin təşkilinin artırılması ilə bağlı görüş keçirilib.

ATAA-dan Turizmplus.az saytına verilən məlumata görə, görüş zamanı üzv şirkətlərlə səmərəli əməkdaşlıq əlaqələrinin genişləndirilməsi və iş birliyinin yaradılması, qrup şəkilində bilet satışının təşkili qaydaları, həmçinin üzv şirkətlər üçün nəzərdə tutulan endirimli qiymət təklifləri, sərnişinlərin məlumatlarının yoxlanılması və portala daxil edilməsi prosedurları müzakirə olunub.

Qeyd edək ki,hazırda uçuşlar yerli vətəndaşlar üçün yalnız şənbə və bazar günləri olmaqla həftədə iki dəfə həyata keçirilir.Bir istiqamət üzrə biletin qiyməti 78 AZN təşkil edir.

Əməkdaşlıq üçün və yarana biləcək digər suallara dair qeyd olunan məsul şəxlə əlaqə saxlamağınız xahiş olunur.
+99 499 201 21 61 – Fidan Baxışova – Azərbaycan Hava Yolları QSC-nin aparıcı mütəxəssisi.