ATAA-dan nümunəvi addım: Uşaqlar üçün tədbir keçirilib
Azərbaycan Turizm Agentlikləri Assosiasiyasının və “Azərbaycan Uşaqları” İctimai Birliyinin nəzdində fəaliyyət göstərən Uşaq Sığınacağı Reinteqrasiya Mərkəzinin birgə təşkilatçılığı ilə uşaqlar üçün Excelsior Hotel & SPA Baku hotelində tədbir keçirilib.
ATAA-dan Turizmplus.az saytına verilən məlumata görə, tədbirdə uşaqlara turizm sahəsinin maraqlı tərəfləri, həmçinin hotelçilik işinin incəlikləri, qeydiyyat, qonaqlama, personalın vəzifələri haqqında məlumat verilib.
Bununla yanaşı hotel ərazisinə ekskursiya təşkil edilib, onlara idman zalı, mətbəx, restoranlar, konfrans zalları nümayiş olunub.
Tədbir çərçivəsində uşaqlar üçün musiqili-əyləncəli proqramlar və animatorların şousu təşkil edilib, nahar süfrəsi verilib.