Türkiyənin Azərbaycan üzrə ən çox satış edən lüks hotelləri BAKIDA – FOTO + VİDEO
Sport Luxury Travel şirkətinin təşkilatçılığı ilə Bakıda Türkiyənin Azərbaycan üzrə ən çox satış edən lüks hotellərinin iştirakı ilə workshop və qala gecəsi baş tutub.
Turizmplus.az xəbər verir ki, tədbir “Sport Luxury Fit Holidays” layihəsi çərçivəsində təşkil olunub və workshopda 200-dən çox yerli turizm şirkətinin nümayəndəsi iştirak edib.
Tədbirin əsas məqsədi Türkiyənin Bodrum, Fethiye və Antalya bölgələrində fəaliyyət göstərən premium hotelləri Azərbaycan bazarına daha yaxından tanıtmaq, tərəfdaşlıqları genişləndirmək və yay mövsümü öncəsi satış imkanlarını artırmaq olub.
Workshop zamanı hotellərin təqdimatları keçirilib, yay mövsümü üçün yeniliklər barədə məlumat verilib və turizm şirkətləri ilə əməkdaşlıq imkanları müzakirə olunub.
Tədbirdə Xanadu Island, Titanic Luxury Collection Bodrum, Vogue Hotel Supreme Bodrum, Hyde Bodrum, Baia Bodrum Hotel, The Plaza Bodrum, XO Cape Arnna, Club & Hotel Letoonia, Voyage Hotels, Belconti Resort Hotel, Club Hotel Phaselis Rose, Ethno Belek və The Land of Legends təmsil olunub.
Workshopdan sonra iştirakçılar üçün qala gecəsi təşkil edilib. Tədbir turizm sektoru nümayəndələri üçün həm işgüzar görüş, həm də yeni əlaqələrin qurulması baxımından əhəmiyyətli platforma olub.