“Universal” şirkəti Böyük Britaniyada yeni əyləncə parkı açır

“Universal Destinations & Experiences” şirkəti Böyük Britaniyada, Londondan təxminən 100 km şimalda yerləşən Bedford şəhərində ilk əyləncə parkı və kurortunu açmağı planlaşdırır.

Turizmplus.az xəbər verir ki, layihə çərçivəsində bir neçə tematik zona, 500 otaqlı otel və ticarət və iaşə obyektləri nəzərdə tutulur. Bu addımın təxminən 50 milyard funt sterlinq iqtisadi fayda gətirəcəyi və minlərlə yeni iş yeri yaradacağı gözlənilir.

Layihə hələ planlaşdırma icazəsi mərhələsindədir və gələcəkdə daha ətraflı məlumatlar paylaşılacaq.