SAMİR RZAYEV: “Dayanıqlı dünya bizdən innovativ yanaşmalar və əməkdaşlıq tələb edir
“Dayanıqlı dünya bizdən innovativ yanaşmalar və əməkdaşlıq tələb edir. Biz də bu prinsipə əsaslanaraq addımlar atmağa davam edirik”.
Turizmplus.az xəbər verir ki, bu sözlər “Azərbaycan Hava Yolları” QSC-nin prezidenti Samir Rzayev “LinkedIn” platformasına etdiyi paylaşımda bildirib.
COP29 çərçivəsində “Beynəlxalq aviasiya və iqlim dəyişikliyi” mövzusunda hökumət rəsmiləri, sənaye liderləri və maraqlı tərəflərlə birgə yüksəksəviyyəli panel müzakirəsində iştirak etdik. Mülki aviasiyada 2050-ci ilədək “Xalis Sıfır” emissiya məqsədinə çatmaq üçün əməkdaşlıq perspektivləri, dayanıqlı transformasiyanın həyata keçirilməsi üçün strateji investisiya imkanları və effektiv siyasətlərin müəyyənləşdirilməsi istiqamətində müzakirələr apardıq”, – deyə paylaşımda qeyd edilib.
