Bir sıra beynəlxalq istiqamətlər üzrə planlaşdırılan AZAL uçuşları müvəqqəti olaraq təxirə salınıb.
Turizmplus.az xəbər verir ki, mövcud vəziyyətlə əlaqədar aşağıdakı marşrutlar üzrə uçuşlarda dəyişiklik edilib:
• Bakı – Riyad – Bakı marşrutu üzrə uçuşlar 18 mart tarixinədək
• Bakı – Doha – Bakı marşrutu üzrə uçuşlar 29 mart tarixinədək
• Bakı – Dammam – Bakı marşrutu üzrə uçuşlar 30 mart tarixinədək
• Bakı – Tel Aviv – Bakı marşrutu üzrə uçuşlar isə 31 mart tarixinədək təxirə salınıb
Sərnişinlərə uçuşlarla bağlı yenilikləri mütəmadi olaraq izləmələri və aviaşirkətlər və ya turizm agentlikləri ilə əlaqə saxlamaları tövsiyə olunur.
Aidiyyəti qurumlar tərəfindən tərəfdaşlara sərnişinlərin vaxtında məlumatlandırılması və zəruri tədbirlərin görülməsi ilə bağlı çağırış edilib.