«Alean Company» tur-operatoru turizm şirkətlərinin nümayəndələri üçün «Prive Baku» restoranında səhər yeməyi təşkil edib.
Turizmplus.az xəbər verir ki, Litvanın Azərbaycandakı səfiri Egidiyus Navikasın da iştirak etdiyi tədbirdə Azərbaycan və Litva arasında turizm potensialının inkişafına hesablanmış addımlar müzakirə edilib.
Səhər yeməyində Azərbaycanın aparıcı turizm şirkətlərinin və Assosiasiyalarının, eyni zamanda Türk Hava Yollarının nümayəndələri iştirak edib. Litvanın aparıcı hotelləri olan «SPA VILNIUS» və «EGLE» komplekslərinin təqdimatı baş tutub.
