Tbilisinin mərkəzində “Azerbaijan - Travel showroom” açılacaq

 

Azərbaycan Turizm Bürosu (ATB) Gürcüstanın paytaxtı Tbilisidə “Azerbaijan. Travel showroom” açacaq.

Turizmplus.az “Report”a istinadən xəbər verir ki, məkanın rəsmi açılış mərasimi oktyabrın 4-də keçiriləcək.

“Azerbaijan. Travel Showroom” Tbilisinin mərkəzi Rustaveli prospekti 16 ünvanında yerləşir. 

Məkanda Azərbaycanın Gürcüstandakı tərəfdaş turizm şirkətlərinin nümayəndələri fəaliyyət göstərəcək, Gürcüstan vətəndaşları və ölkəyə səfər edən əcnəbi ziyarətçilərə Azərbaycanın turizm potensialı barədə məlumatlar veriləcək.