Səudiyyə Ərəbistanından gələn turist sayında artım olacaq

 

Səudiyyə Ərəbistanında Azərbaycan turizminin təbliğatı genişlənir.

Turizmplus.az xəbər verir ki, Azərbaycan Turizm Bürosu Səudiyyə Ərəbistanı Krallığında “Almosafer Academy” proqramı çərçivəsində müxtəlif təlimlər keçirəcək.

10 həftə davam edəcək proqram Krallığın aparıcı səyahət xidmətləri platforması olan “Almosafer” şirkətinin təşəbbüsü ilə baş tutacaq.

Təlimlərin keçirilməsinin əsas məqsədi Səudiyyə Ərəbistanının istedadlı gənclərini turizm sənayesinə cəlb etmək və turizm üzrə məsləhətçilərin yeni nəsilini yetişdirməkdir.

Proqram iştirakçıları nəzəri biliklərlə yanaşı, müxtəlif tanışlıq səfərləri və destinasiya təlimlərində iştirak edərək praktik bacarıqlar da əldə edəcəklər.

Azərbaycanın geniş turizm imkanlarının tanıdılmasına, həmçinin Səudiyyə Ərəbistanı Krallığından Azərbaycana gələn turist sayının artırılmasına müsbət təsir göstərəcək təlimlərin təşkilatçılarından biri də Azərbaycan Turizm Bürosudur.

Layihədə Azərbaycan Turizm Bürosu ilə yanaşı, Dubay Turizm Təbliğat Bürosu, Mavriki Turizm Təbliğat Bürosu, Bəhreyn Turizm və Sərgilər Bürosu kimi qurumlar da iştirak edəcəklər.

Paylaş

Əvvəlkİ

DTA və ATAA birlikdə səyahət agentlikləri və turoperatorlarla işgüzar görüş keçirib - EKSKLÜZİV FOTOLAR

Sonrakı

Beynəlxalq hava limanlarımız 3 milyondan çox sərnişinə xidmət göstərib - STATİSTİKA

Подписывайся

Подписывайся на нашу рассылку