Sabahdan Azərbaycana gələn Türkiyə vətəndaşları üçün viza rejiminin ləğvi qüvvəyə minir

 

Azərbaycan sabahdan Türkiyə vətəndaşları üçün viza rejimini ləğv edəcək.

Bununla bağlı qərar sentyabrın 1-dən qüvvəyə minəcək. Qərara əsasən, Azərbaycana 30 günədək müddətə səfər etmək istəyən Türkiyə Respublikasının ümumvətəndaş pasportuna malik vətəndaşları üçün viza tələbi ləğv olunur. 

Bundan əlavə, Azərbaycan ərazisində 30 gündən artıq qalmaq istəyən Türkiyə Respublikası vətəndaşlarının statusu Azərbaycan Respublikasının müvafiq qanunları ilə tənzimlənir.

Həmçinin, Türkiyə Respublikası Hökumətinin qərarına əsasən, bu ölkəyə 30 günədək səfər edən Azərbaycan Respublikası vətəndaşları da viza tələbindən azad edilib.

Qeyd edək ki, iyul ayında Azərbaycan Respublikası Xarici İşlər Nazirliyi tərəfindən Türkiyə Respublikasının Xarici İşlər Nazirliyinə viza tələbinin ləğvi ilə bağlı nota ünvanlanıb.

Paylaş

Əvvəlkİ

Туристам лучше не поворачиваться спиной к Будде и не здороваться за руку с местными

Sonrakı

Sentyabrın ilk gününə olan hava proqnozu

Подписывайся

Подписывайся на нашу рассылку