"Həmin şirkətlərə xəbərdarlıq edirik" - PAŞA KƏSƏMƏNSKİ

 

Turizmplus.az “Turizm və Səyahətlər” (“AITF-2019”) sərgisi zamanı "Azərbaycan Hava Yolları" QSC-nin mətbuat xidmətinin rəhbəri Paşa Kəsəmənski ilə müsahibə hazırlayıb.

- "Azərbaycan Hava Yolları"nın və "Buta Airways"in yeni reysləri ilə bağlı nə deyə bilərsiniz?

Hər iki aviaşirkətdə yeni reyslər əlavə olunub. Aprelin 2-də AZAL Qazaxıstanın Almatı şəhərinə ilk uçuşunu reallaşdırdı. Çalışırıq ki, yeni reyslərlə yanaşı ənənəvi reyslərin də sayını artıraq. Yeni bazarlara uçmaq da əsas məqsədlərimizdən biridir. Bunlardan biri Səudiyyə Ərəbistan bazarıdır. Bunun nəticəsində Ciddə şəhərinə uçuşlara başladıq. Onu da qeyd edim ki, planımızda Asiya ölkələrinə yeni uçuşların həyata keçirilməsi var. 

Aşağı büdcəli "Buta Airways" şirkətində də yeni istiqamətlərin sayı artırılıb. Biz artıq Ankara, Həştərxan, Ufa, Odessa, Xarkov və Batumi şəhərlərinə uçuşlara başlayırıq. Biz çalışırıq ki, vətəndaşlarımıza həm səyahət baxımından həm də işgüzar səfərlərlə bağlı daha rahat şərait yaradaq.

- Aviabiletlərin tariflərində hər hansı bahalaşma və ya ucuzlaşma, ümumiyyətlə dəyişikliklər olacaqmı?

Xeyr, heç bir dəyişiklik gözlənilmir. Bilirsiniz ki, bizdə hər kəsə uyğun olması üçün həm aşağı, həm orta, həm də yuxarı büdcəli tariflər var. Ən aşağı tarif isə "Buta Airways" lou-kosterindədir - 29 AVRO.

- "Buta Airways" və turizm agentlikləri arasında aşağı tarifli aviabiletlərin satışına dair yeni bir qərar gözlənilirmi? 

Hər kəsə məlumdur ki, dünya təcrübəsində bütün lou-kost şirkətlər yalnız online qaydada satış edir. Biz əvvəlcə agentliklərə satış etmək üçün icazə vermişdik. Lakin sonralar sərnişinlərlə yaranan problemlərlə bağlı biz bu qərarı ləğv etdik. Ancaq yenə də biz agentliklərə super tarifli aviabiletlərin satışına icazə vermişik. Bu biletlərə əl yükü, baqaj və hava limanında qeydiyyat daxildir və bunun nəticəsində sərnişinlər heç bir problem yaşamır. 

Ona görə də bu qaydalarla bağlı heç bir yeni qərar gözlənilmir. 

- Bəzi turizm şirkətləri sosial şəbəkə hesablarında "Buta Airways"in aşağı tarifli biletlərini reklam edir və satışını həyata keçirirlər. Bu da müştərilərin çaşqınlığına səbəb olur. Bununla bağlı hansı tədbirlər görülür?

Biz belə hallarla rastalaşanda dərhal reaksiya veririk. Həmin şirkətlərə xəbərdarlıq edirik və xəbərdarlıq məktubunda qeyd olunur ki, bu aviabiletlərin satışı yalnız super tarif ilə mümkündür.

Paylaş

Əvvəlkİ

Возможность провести ночь в музее Лувр - КОНКУРС

Sonrakı

В Дубае открылся новый футуристический кинотеатр

Подписывайся

Подписывайся на нашу рассылку