"Gərək o vaxt öz şirkətimi yaradaydım" - ALEKSANDR QULİYEV

 

Aleksandr Quliyevlə SSRİ illərini keçib müasir dövrə gəlib çatırıq. Həm dövrün turizminə, həm də qocaman turizmçiyə aid suallar verirəm. O isə səbrlə, peşəkarlıqla və bunların fonunda yüksək səmimiyyətlə suallarımı cavablandırır. Beləliklə, "Əməkdar mədəniyyət işçisi", "Fəxri turizm işçisi" fəxri adlarına layiq görülmüş Aleksandr Quliyevlə söhbətimizin ikinci hissəsinə keçid alırıq.

Turizmdə yeni başlamış gənclər nələri öyrənməli və bilməlidirlər?

Turizm meneceri insanların səyahət barəsində arzularını gerçəkləşdirən insandır. Mütləq səbrli olmalıdır.  Onlar bu işə başlayanda elə düşünürlər ki, çox romantik və maraqlı peşədir; hər gün onlar üçün bayramdır, uzaq məsafələrə səyahətə yollanacaqlar və s. Əslində isə onlar müştərinin problemsiz və rahat səyahətini təmin etməli insanlardır. 

Yeni başlayan kadrların əsasən dil, coğrafi və tarixi bilikləri, yaxşı yaddaşları və insanlarla əlaqə qurmaq bacarıqları olmalı, vətənlərini və peşələrini sevməlidirlər. Stressə dözümlü olmaqları mütləqdir. Ofisdaxili və ümumiyyətlə işlə bağlı yazışmalarda düzgün davranmalı, xarici görünüşlərinə fikir verməlidirlər. Tur paketlərin hazırlanmasında, müştərilərlə münasibətdə, otellərin və aviabiletlərin bronlaşdırılmasında diqqətli olmalı, satmağı bacarmalıdırlar.

Bir sözlə peşəkar olmaq istəyən menecer müştəri ofisə daxil olandan turdan qayıdana qədər onu müşayət etməlidir.

İndiki gənclər məsləhət üçün yaşlı nəsilə müraciət edir?

Onlar indi anlayırlar ki, inkişaf etmək üçün keçmiş ənənələri də öyrənmək lazımdır. Necə ki, indi sizinlə keçmişdən söhbət edirik, onlar da keçmiş dövürdə nələrin baş verdiyi ilə maraqlanırlar. Yeniliyi yaratmaq üçün keçmişi itirməmək lazımdır və keçmişdə yaxşı olanları hazırki dövürdə istifadə etməliyik.

Onların işində hansı müsbət və mənfi halları görürsünüz?

İndiki gənclər təhsilli və alicənabdırlar. Əsas da texnikanı – kompyuteri və bir neçə dil bilirlər. Bir narazılığım ondadır ki, az oxuyurlar. Bəzi hallarda &oum