Azərbaycan Turizm Agentlikləri Assosiasiyası yeni üzvlər qəbul edib - TOPLANTIDAN FOTOLAR

 

Avqustun 15-də Azərbaycan Turizm Agentlikləri Assosiasiyası quruma üzv olmaq istəyən namizədlərin üzvlük müraciətlərinə baxıb.

Turizmplus.az xəbər verir ki, İdarə Heyəti tərəfindən təşkil olunan toplantıda yeni namizədlərin iş fəaliyyəti, onların Azərbaycan turizm bazarında nüfuzu, şirkətlərin müştəri məmnunluğunun səviyyəsi müzakirə edilib və rəylər dinlənilib.

Müzakirələr zamanı ilkin mərhələdə Assosiasiyanın əsas götürdüyü keyfiyyət meyarlarına cavab verən 32 turizm şirkəti quruma üzv qəbul edilib.

Assosiasiyanın standartlarına cavab vermədiyi üçün 2 turizm şirkətinin üzvlüyü təmin olunmayıb.

Toplantıda eyni zamanda qurumun Ekspertlər Şurasına üzvlər qəbul olunub.

İclasda son günlər bəzi turizim şirkətlərinin qeyri-peşəkar fəaliyyəti, bunun nəticəsində yaranan vətəndaşların narazılıqları və ortaya çıxan problemlərin həlli istiqamətində atılacaq addımlar müzakirə edilib.

Paylaş

Əvvəlkİ

Azərbaycanlı alpinist Tyan-Şan dağlarına ekspedisiya həyata keçirib - FOTOLAR

Sonrakı

Turizmçilər üçün Dubaya VIP Info-tur təşkil olunacaq - MƏLUMAT

Подписывайся

Подписывайся на нашу рассылку