AZAL ümumi dəyəri 11,5 milyon ABŞ dolları olan müqavilə imzaladı

 

AZAL Pilotların Hazırlığı Mərkəzinin imkanlarını genişləndirəcək.

AZAL-dan Turizmplus.az-a verilən məlumata görə, “Azərbaycan Hava Yolları” “FlightSafety International” şirkətindən “Embraer E-190” tipli təyyarə üçün son nəsil aviasiya trenajoru əldə edir.
⠀⠀
Trenajor “Azərbaycan Hava Yolları” yanında Milli Aviasiya Akademiyasının Pilotların Hazırlığı Mərkəzində quraşdırılacaq.
⠀⠀
Müvafiq sazişi dekabrın 16-da Bakıda Azərbaycan tərəfdən AZAL prezidenti Cahangir Əsgərov və Milli Aviasiya Akademiyasının rektoru akademik Arif Paşayev, “FlightSafety International” tərəfdən isə aviasiya trenajorları xidmətləri üzrə icraçı direktor Con Van Maren və satış üzrə direktor Filipp Delfur imzalanıb.
⠀⠀
Müqavilənin ümumi dəyəri 11,5 milyon ABŞ dolları təşkil edir.
⠀⠀
"FS1000 Embraer E190-E1 Level D Full Flight Simulator" yeni trenajor kompleksi “Buta Airways” aviaşirkətinin pilotlarının tam təlim və sertifikatlaşdırılması üçün imkan yaradacaq. Sözügedən trenajorun alınması ilə bağlı ilkin razılıq bu ilin noyabr ayında “Dubai Air Show – 2019” sərgisi çərçivəsində əldə edilib.