"AZAL-Miles" sistemi bir müddət fəaliyyət göstərməyəcək - SƏBƏB

 

Yenilənmə ilə əlaqədar texniki səbəblərdən "Azal Miles" sisteminin bir sıra xidmətləri fəaliyyət göstərməyəcək. Bu dövr 4 - 12 noyabr tarixlərinə təsadüf edir.

Turizmplus.az xəbər verir ki, bunlara şəxsi hesaba daxil olmaq, mükafatlandırıcı biletlərin rəsmiləşdirilməsi və müştəri xidmətlərinə müraciət daxildir.

Həmçinin 4 noyabr tarixindən etibarən "AZAL-Miles" mobil əlavəsinin xidməti dayandırılır.

Nəzərinizə çatdıraq ki, yenilənmədən sonra onlayn rejimdə veb-sayt vasitəsilə mükafatlandırıcı aviabiletlərin rəsmiləşdirilməsi imkanı təqdim olunacaq, habelə müştərilərin topladığı ballar hesabına hava gəmisində əlavə baqaj və daha rahat oturacaqlar əldə edə biləcəklər.