AZAL-ın 3 əməkdaşı işdən qovuldu

 

“Azərbaycan Hava Yolları” QSC-nin (AZAL) əməkdaşı Nazilə Muradova və digər iki əməkdaş sərnişinin şəxsi məlumatlarını paylaşaraq ciddi səhvə yol verib. Hər 3 əməkdaş dərhal işdən azad olunub.

Turizmplus.az “Report”-a istinadən xəbər verir ki, bununla bağlı məlumatı AZAL yayıb.

“Azərbaycan Hava Yolları” QSC-nin əməkdaşı Nazilə Muradovanın sosial şəbəkələrdə etdiyi paylaşım cəmiyyətimizdə rezonans doğurub və bununla əlaqədar olaraq, aviaşirkət tərəfindən dərhal daxili araşdırma aparılıb. Araşdırmanın yekunlarına əsasən məlum olub ki, “Azərbaycan Hava Yolları” QSC-nin əməkdaşı Nazilə Muradova və digər iki əməkdaş sərnişinin şəxsi məlumatlarını paylaşaraq ciddi səhvə yol verib.

"Bununla əlaqədar olaraq, hər 3 əməkdaş dərhal işdən azad olunub", - AZAL-ın məlumatında bildirilb.

QSC fotosu yayılan sərnişindən və Azərbaycan cəmiyyətindən üzr istəyib: "Bu məsələ ilə bağlı sərnişinimizdən və cəmiyyətimizdən üzr istəyirik. Sözügedən məsələni ictimailəşdirdiyinə və haqqlı mövqe nümayiş etdirdiyinə görə cəmiyyətimizə dərin təşəkkürümüzü bildiririk".

Xatırladaq ki, AZAL-ın sabiq əməkdaşları transgenderin məlumatlarını yaymışdı. Nazilə Muradova adlı şəxs özünü AZAL-ın əməkdaşı kimi təqdim edərək facebook hesabında transgender şəxsə məxsus pasportun şəklini paylaşmışdı.

Paylaş

Əvvəlkİ

"Səmaların şahzadəsi" və ya "Jumbo Jet", ümumiyyətlə isə Boeing 747-8F - FOTOREPORTAJ

Sonrakı

Aprel ayında Yaxın Şərq regionundan gələn turistlərin sayında 12% artım olub

Abunə olun

Xəbərlərimizə abunə olun