Agentlikdən Şəkidə baş verən hadisə ilə bağlı ilkin AÇIQLAMA

 

Dövlət Turizm Agentlyi Şəkidə baş verən hadisə ilə bağlı ilkin açıqlama yayımlayıb. Turizmplus.az açıqlamanı oxucularına təqdim edir.

Bu gün saat 12:00 radələrində Şəki Xan Sarayının qarşısında çinar ağacının budağı yerə düşərək insanlara xəsarət yetirib.

Xəsarət alanlar arasında həm yerli, həm də xarici vətəndaşlar var.

İlkin məlumata görə hadisə ilə bağlı 19 nəfər Şəki rayon Mərkəzi Xəstəxanasına müraciət edib. Onlardan ikisi xəstəxanaya yerləşdirilib, digər 17 nəfərin müəyyən hissəsinə ilkin tibbi yardım göstərilib, bir qisminin müalicəsi hazırda davam edir. Paytaxtdan xəstəxanaya yerləşdirilən 2 şəxsə görə yüksək ixtisaslı mütəxəsislər çağırılıb.

Hadisə yerində hüquq-mühafizə orqanları araşdırma aparır. Hadisə baş verən andan Dövlət Turizm Agentliyinin rəhbərliyi Şəkiyə doğru yola çıxıb.

Cəmiyyəti daha dəqiq məlumatlandırmaq məqsədilə az sonra hüquq-mühafizə orqanları ilə birgə ətraflı bəyanatın yayımlanması planlaşdırılır.

Paylaş

Əvvəlkİ

Dövlət Turizm Agentliyinin sədri və bir qrup əməkdaşı Şəkiyə yollanıb - AÇIQLAMA

Sonrakı

FHN helikopterləri hazır vəziyyətə gətirildi - SON DURUM

Abunə olun

Xəbərlərimizə abunə olun